Matreiðslumeistarinn Haddi kokkur deilir hér með lesendum frábærri uppskrift af hinu fullkomna lambalæri, og mælir með góðum vínum með lambinu.
Hráefni
Fyrir lærið
Lambalæri eitt og hálf til tvö kg
4 geirar hvítlaukur
1 grein rósmarín
3 greinar garðablóðberg
1 matskeið hunang
100ml ólífuolía (mælum með Torres)
1 kg kartöflur
500 gr gulrætur
2 stk fennel
Tómatsósa
2 dósir Cirio saxaður tómatur
2 geirar hvítlaukur
1 stk skarlottulaukur
2 matskeiðar af balsamik edik
2 dropar Tabasco
2 teskeiðar sykur
200 ml ólífuolía
50 ml rauðvín
Salt
Pipar
Gremolata
2 búnt flöt steinselja
2 geirar hvítlaukur
Rifinn börkur af 1 sítrónu
30 gr rifin piparrót
30 gr panko raspur
Hunangsgljái
100 ml hunang
100 gr smjör
1 geiri hvítlaukur
1 grein rósmarín
Aðferð
Takið lambið úr kæli 1 klst fyrir eldun og hitið ofn í 175 gráður.
Saxið hvítlauk rósmarín og garðablóðberg fínt, setjið í skál með olíu og hunangi og blandið vel saman.
Kryddið lambið með sjávarsalti og pipar, takið hluta af marineringuni og berið á lambið.
Skerið kartöflur til helminga, skrælið gulrætur og skerið í fjóra parta, skerið fennel í fernt.
Blandið saman grænmeti ásamt rest af marineringu og kryddið með salti og pipar.
Eldið lambið á grind í 75 mín, þegar 40 mín eru eftir af eldun lambs setjið þá grænmeti í ofninn undir lambið og klárið eldun. Kjarnhiti má vera 56-58 gráður.
Lagið tómatsósu meðan á eldun stendur. Hitið olíu í víðum potti, svitið lauk og hvítlauk. Setjið tómat saman við og eldið rólega í 30 mín. Munið að hræra reglulega í svo brenni ekki. Setjið svo í blandara ásamt balsamic ediki, rauðvíni, sykri, tabasco og hellið ólífuolíu rólega útí og kryddið með salti og pipar.
Til að útbúa Gremolata þá saxið þið hvítlauk og steinselju og rífið niður piparrót, brúnið pankó á pönnu og kælið. Bætið við rifnum börk af sítrónu. Blandið öllu saman ásamt dassi af ólífuolíu .
Til að útbúa hunangsgjláann þá sjóðið þið saman hunang, smjör, saxaðan hvítlauk og söxuðu rósmarín.
Þegar lambið er klárt er það látið hvíla í 15 mín, berið gljáann á og sáldrið gremolata yfir.
Með lambinu mæli ég með Gran Coronas frá Torres – geggjað vín með mjúku kryddi sem fer vel með alvöru lambalæri.
Verði ykkur að góðu .
