Grillaður lax á sítróugrasspjóti með grillaðari vatnsmelónu & hundasúru skyrsósu(fyrir 2)
Matreiðslumeistarinn Haddi kokkur er óhræddur við að skella hinum ýmsu á grillið – Hér deilir hann með okkur lúffengum rétti með grilluðum laxi, og bætir svo melónu á grillið sem meðlæti.
Hráefni
Grilluð Melóna
2 sneiðar Vatnsmelóna, ca 1,5cm þykkt
Torres Ólívuolía
Grillaður Lax
400gr Lax, roðlaus
2 Sítrónugrasspjót
Torres Ólívuolía
1 lítil dós skyr, hreint
2msk hunang
50gr hundasúra (má vera basil, súra eða mynta)
½ rautt chilli, fínt saxað
2 greinar sítrónu timian
Börkur af ½ sítrónu
1 hvítlauksrif, rifið
Svartur pipar & salt
Aðferð
Grilluð Melóna
Setjið á ólívuolíu á vatnsmelónuna og grillið hana í 4-5 mín á hvorri hlið
Grillaður Lax
Takið laxinn og skerið í jafna bita
Takið sítrónugrasið og takið ysta lagið utan af, skerið svo í tvennt
Þræðið laxinn uppá sítrónugrasið
Blandið saman, Chilli, sítrónu timian, sítrónubörk, hvítlauk, 2msk ólívuolía & 1msk hunang. Notið sem marineringu á laxinn.
Maukið skyr, súru & hunang saman ásamt svörtum pipar & salti. (sósan)
Grillið laxinn í 2-3 mín á hvorri hlið
Borið fram með skyrsósu & salati
Þegar að laxinn er klár er hann borinn fram ofaná melónunni.
Moselland Ars Vitis frá þýskalandi er létt, sumarlegt og ferkst – Hentar einstaklega vel með þessum fríska grillrétti.
