Gnocchi eða kartöflupasta er frábær nýjung á Íslandi. Gnocchi eru litlar bollur gerðar úr kartöflum sem eru stappaðar saman við hveiti og mótaðar í litlar kúlur eða skeljar. Gnocchi er mjög einfalt og fljótlegt að matreiða. Fáðu ítalska stemningu heim í eldhúsið þitt með þessari einföldu uppskrift af gnocchi rétti.
Gnocchi með kirsuberjatómötum, spínati og parmesan
Innihaldsefni
1 poki gnocchi frá Giovanni Rana
150 g kirsuberjatómatar, skornir til helminga
400 g spínat
1 hvítlauksgeiri, smátt skorinn
10 basilíku lauf
sneiddur parmesan ostur
jómfrúar ólífuolía
smjör
salt og pipar
Aðferð
Bræðið smjör á pönnu, hitið pönnuna vel. Steikið gnocchi við háan hita, hrærið reglulega þannig að allar hliðar steikist vel í u.þ.b. 4 mínútur.
Á sama tíma hitið olíu á annarri pönnu á miðlungs hita. Steikið hvítlaukinn þar til gullinbrúnn eða í 1-2 mínútur. Bætið tómötunum við og steikið þar til mjúkir eða í 3-4 mínútur. Bætið basilíkunni og spínatinu við, saltið og piprið eftir smekk. Að lokum fer gnocchi út í pönnuna. Hrærið þessu varlega saman og steikið áfram í 1 mínútu á háum hita. Berið fram með ljúfengum parmesan osti.
Verði ykkur að góðu!
